Г.Энхтайван: Ипотекийн зээлийн хүүг 6% болгох шийдвэр гарвал 2021 оны нэгдүгээр сараас хэрэгжих төсөөлөлтэй байна
Монголбанкны Мөнгөний бодлогын хорооноос өнөөдөр мэдээлэл хийх үеэр Монголбанкны дэд ерөнхийлөгч Г.Энхтайван ипотекийн зээлтэй холбогдуулан сэтгүүлчийн асуултад "Ипотекийн хүүг 6% болгох шийдвэр гарвал 2021 оны нэгдүгээр сараас хэрэгжинэ" хэмээн хариулсан юм.
Тодруулбал, ипотекийн зээлийн хүүг бууруулж, 6% болгох талаар судлах хамтарсан Ажлыг хэсгийг өнгөрсөн долоо хоногийн Засгийн газрын хуралдаанаар байгуулсан ч одоогоор ямар нэг шийдвэр гараагүй гэдгийг тэрбээр хэлэв.
Монголбанкны зүгээс өнгөрсөн тавдугаар сараас арилжааны банкуудад ипотекийн зээлийн санхүүжилт болгон өнөөдрийг хүртэл 146.3 тэрбум төгрөгийг 2,100 орчим зээлдэгчид олгожээ.
Харин 8%-ийн хүүг 6% болгон бууруулах шийдвэр гарвал 2021 оны нэгдүгээр сараас хэрэгжинэ гэсэн төсөөлөлтэй байгаа гэдгийг тэрбээр оноцлсон юм.