Төрөөс хэрэгжүүлж буй ипотекийн зээлийн эргэн төлөлтийг түр хугацаагаар хойшлууллаа

Монголбанкнаас COVID-19 цар тахлын үед эдийн засаг, банк, санхүүгийн салбарт үзүүлэх сөрөг нөлөөг бууруулах зорилгоор ээлжит шийдвэрээ гаргажээ.

Тодруулбал, төрөөс хэрэгжүүлж буй орон сууцны ипотекийн хөнгөлөлттэй хүүтэй зээл авсан иргэдийг хамруулах зорилгоор Монголбанк, Сангийн яам, Монголын Ипотекийн Корпораци ОССК ХХК болон банкууд хамтран дараах шийдвэрийг гаргалаа. Үүнд:

  1. Орон сууцны ипотекийн 8 эсхүл 5 хувийн хүүтэй зээл авсан иргэн зээлийн эргэн төлөлтийн хуваарьт өөрчлөлт оруулах хүсэлт гаргасан тохиолдолд зээлийн үндсэн болон хүүгийн төлбөрийг нэг удаа 3 хүртэлх сараар хойшлуулж, тухайн хугацаагаар зээлийн эргэн төлөлтийн хуваарийг уртасгах;
  2. Зээлийн эргэн төлөлтөд нь 2020 оны 1 дүгээр сарын 31-ний өдрөөс хойш доголдол үүссэн зээлдэгчид энэхүү зохицуулалт үйлчлэх боломжтой бөгөөд доголдол үүссэн хуваарьт өдрөөс эхлэн эргэн төлөлтийг хойшлуулах хугацааг тооцох;

Зээлдэгч зээлийн эргэн төлөлтөд өөрчлөлт оруулах хүсэлтээ 2020 оны 5 дугаар сарын 1-ний өдрөөс өмнө харилцагч банкиндаа гаргана.


Сэтгэгдэл бичих

Илгээх

Сэтгэгдэлүүд (1)

2020-05-20 15:31   Зочин
Улаанбаатар банк руу хүсэлтээ илгээсэн ч одоо болтол хариу өгөхгүй, дуудахгүй байна. ямар учиртай юм бол доо зээл төлөх хугацаа өнгөрчихсөн байдаг, банкны ажилтан нь утсаа авахгүй юм
Шинэ мэдээ
Их уншсан