"/> "/>

Гэр хорооллыг орон сууцжуулахаар Хөгжлийн Банкнаас зээл авсан компанийг АТГ-т өгчээ

“Хөгжлийн банк 2018 онд Гэр хорооллыг орон сууцжуулах зорилгоор "Мавангүй" ХХК-д 4 тэрбум төгрөгийн зээл шийдвэрлэсэн. Гэвч, зээлдэгч нь уг зээлийг зориулалтын бусаар ашиглаж, машины урьдчилгаа зэрэгт зарцуулсан нь хяналтаар тогтоогдсон” хэмээн Хөгжлийн банкны Гүйцэтгэх захирал Н.Мандуул твиттер хуудсаараа жиргэжээ. 

ORONSUUTS.COM

Энэ талаар Хөгжлийн Банкнаас тодруулахад тус компани нь Баянзүрх дүүрэгт орших “Өгөөмөр II” хотхоны хоёрдугаар ээлжийн 74А блокийн барилгын ажилд зарцуулж, гэр хорооллыг орон сууцжуулна хэмээн Хөгжлийн Банкнаас 2018 онд 4 тэрбум төгрөгийн зээл шийдвэрлүүлж, 2 тэрбум төгрөг зээлсэн боловч тус зээлийг зориулалтын бусаар зарцуулсан хэмээн үзэж байгаа аж. Тухайлбал, “Мөнххада” ХХК-аас 82.4 сая төгрөгөөр автомашин захиалах, шинэ жилийн арга хэмжээнд 7 сая төгрөг зарцуулж, ОСНААҮГ-т 31.1 сая төгрөг шилжүүлэх зэргээр хууль бус үйлдлүүд олныг гаргасан нь тогтоогдсон талаар эх сурвалж мэдээллээ. 

Түүнчлэн Хөгжлийн Банкны өмчлөлд шилжсэн, барьцаанд байгаа 45 орон сууцыг иргэдэд бартераар болон зээлээр зарж борлуулсан ч худалдан авсан иргэдэд орон сууцны гэрчилгээ гаргаж өгөөгүйгээс гадна олсон орлогоороо Хөгжлийн Банкны өрөө төлөлгүй, хувийн хэрэгцээнд зарцуулсан байж болзошгүй байгаа тул АТГ-д шалгуулахаар өгч байгаагаа Хөгжлийн банкны удирдлагууд мэдэгдэв.

АТГ уг хэргийг хүлээн авсан бөгөөд хэрэг нээх эсэхээ удахгүй шийдэх юм байна. 

 


Сэтгэгдэл бичих

Илгээх
Шинэ мэдээ
Их уншсан