ХасБанк зээл авахад шаардлагатай бичиг баримтуудыг цахимаар бүрдүүлдэг боллоо

Мэдээ     2018-09-10     244
Сурталчилгаа    

ХасБанк харилцагчийн бичиг баримтыг цахим хэлбэрээр бүрдүүлэх тогтолцоог орон даяарх бүр салбар тооцооны төвдөө нэвтрүүллээ.

Энэхүү систем нь төрийн мэдээлэл солилцооны ХУР системээс харилцагчийн мэдээлэл, лавлагааг авснаар харилцах хадгаламжийн данс нээх, төлбөрийн карт захиалах зэрэг банкны үйлчилгээ болон зээлийн үйл ажиллагааг хялбаршуулж, харилцагчид илүү хурдан шуурхай, чирэгдэлгүй үйлчлэх боломж олгож байгаагаараа давуу талтай юм.

Хорооны тодорхойлолт, цалингийн тодорхойлолт, гэрлэлтийн лавлагаа, нийгмийн даатгалын дэвтэр зэрэг олон төрлийн бичиг баримтуудыг цуглуулж, хувилж, нотариатаар батлуулж, цаг зав, мөнгөө үрэх шаардлагагүй боллоо

Жишээлбэл, Харилцагч та ХасБанкны аль ч салбарт хандаж зээлийн хүсэлт гаргахдаа хурууны хээгээ уншуулахад л хангалттай бөгөөд бид таны өмнөөс Иргэний үнэмлэх, Төрсний гэрчилгээ, ААН-ийн гэрчилгээ, Үл хөдлөх хөрөнгө, Тээврийн хэрэгсэл, Нийгмийн даатгалын лавлагаа зэрэг шаардлагатай бичиг баримтуудыг цахим хэлбэрээр бүрдүүлж, зээлийн шийдвэрийг богино хугацаанд гаргах боломж бүрдэж байна.

Өөрөөр хэлбэр та урьд өмнөх шиг хорооны тодорхойлолт, цалингийн тодорхойлолт, гэрлэлтийн лавлагаа, нийгмийн даатгалын дэвтэр зэрэг олон төрлийн бичиг баримтуудыг цуглуулж, хувилж, нотариатаар батлуулж, цаг зав, мөнгөө үрэх шаардлагагүй.

Мөн энэхүү системийн нэг чухал давуу тал нь харилцагчдын хувийн хэргийг цахим хэлбэрээр бүрдүүлж, хадгалах, шаардлагатай өөрчлөлтийг цаг тухай бүр хийх, эргээд хурдан хугацаанд мэдээлэл авах бололцоог өгч буйн дээр улмаар цаасны хэрэглээг бууруулж зардал хэмнэх ач холбогдолтой юм.

Дашрамд дурдахад, Төрөөс иргэдэд үзүүлэх үйлчилгээг хялбарчилж, илүү хүртээмжтэй болгох, төрийн байгууллагуудын үйл ажиллагааны уялдаа холбоог сайжруулах, цахим засаглалыг хөгжүүлэх зорилгоор төрийн мэдээлэл солилцооны ХУР системийг энэ оны эхнээс нэвтрүүлээд байгаа билээ.

 
 

Сэтгэгдэл бичих

Илгээх
Шинэ мэдээ
Их уншсан